വായിച്ചാൽ വളരും വായിച്ചില്ലെങ്കിലും വളരും, വായിച്ചാൽ വിളയും വായിച്ചില്ലെങ്കിൽ വളയും.

1996 മുതൽ കേരള സർക്കാർ ജൂൺ 19 വായന ദിനമായി ആചരിക്കുന്നു. ജൂൺ 19 മുതൽ 25 വരെയുള്ള ഒരാഴ്ച വായനവാരമായും കേരളാ വിദ്യാഭ്യാസ വകുപ്പ് ആചരിക്കുന്നു. കേരള ഗ്രന്ഥശാലാ സംഘത്തിന്റെ ഉപജ്ഞാതാവും പ്രചാരകനുമായിരുന്ന പി.എൻ. പണിക്കരുടെ ചരമദിനമാണ് ജൂൺ 19. കേരള സർക്കാർ 1996 മുതൽ അദ്ദേഹത്തിന്റെ ചരമദിനം വായനദിനമായി ആചരിക്കുന്നു.

വായന വാരത്തോടനുബന്ധിച്ച് ഞങ്ങൾ സ്കൂളിന് മുൻപിലുള്ള മരം ഉദ്ധരണികൾ കൊണ്ടും കവിതകൾ കൊണ്ടും ചിത്രങ്ങൾ കൊണ്ടും അലങ്കരിച്ചു.

ഉച്ചതിരിഞ്ഞ് ആറാമത്തെ പിരീഡ് ആയിരുന്നു എനിക്ക് ക്ലാസ് ഉണ്ടായിരുന്നത്. ഹാരപ്പൻ സംസ്കാരത്തിൻറെ വിശ്വാസരീതികളെക്കുറിച്ചും ഹാരപ്പൻ സംസ്കാരത്തിൻറെ തകർച്ചയെക്കുറിച്ചും ആണ് ഇന്ന് കുട്ടികളെ പഠിപ്പിച്ചത്. വൈകിട്ട് ലൈൻ ഡ്യൂട്ടി കഴിഞ്ഞ ശേഷം വീട്ടിലേക്ക് മടങ്ങി.